Trail
30 Jené 2023 Ajorné da les 18:36
Turism

​Por la IDM ne alda Mareo y San Martin nia pro le raiun dles Dolomites

La sozieté IDM fajará so sit de presentaziun nü. Pro les novités él ince n detai che n'é nia ma n’assurdité, mo ince n'ofenüda por n bel raiun dles Dolomites.
de Mateo Taibon

La sozieté IDM, co á tles mans la promoziun turistica dla provinzia intiera, arjigna ca n sit internet nü. Desco al i é gnü comuniché ales cooperatives turistiches, él n’intenziun – descorida dala Tageszeitung - co fej dassënn demorvëia: le raiun de Plan de Corones – cun Mareo y San Martin lapró - ne gnará nia metü pro les Dolomites.
 
La cooperativa Al Plan San Martin fej inant promoziun cun les Dolomites, tla promoziun dla IDM indere, sön le portal südtirol.com, foss na ligna de raiuns pro les Dolomites, mo nia so cör mitich desco Fanes o indere Pütia. Mareo y San Martin á la maiú spersa de Dolomites y cun dui parcs naturai ince la maiú spersa de teritore Unesco: impó ne ó la IDM nia i mëter pro les Dolomites. La cooperativa turistica ne é daldöt nia a öna sciöche al nes á ince dit le presidënt dla cooperativa turistica Werner Call:

"Döt le raiun de Mareo y San Martin fej pert dles Dolomites, na gran pert de ghesć da foradecá vëgn a vijité les Dolomites, de chëres che i raiuns de Fanes, Senes, Braies y de Pütia fej pert."

 
Nia cumpedé chësc raiun pro les Dolomites foss na coienada, paiada da scioldi ince de chësc raiun dolomitich par exellence. L’intenziun dla IDM é n’assurdité nasciüda da dezijiuns politiches y, desche al vëgn colporté, ince da invidies de vijins tles Dolomites.

					

Al podess ince te interessé…


					
						

De autri video Turism