Trail
30 Jené 2023 Ajorné da les 18:36
Sport

Lum vërda per l purtoi da bob a Cortina

Al plu tert de messel dëssa i lëures mëter man. Chësc mpermët Luigi Valerio Sant’Andrea, l respunsabl dla nfrastrutura per i juesc olimpics da d’inviern.

La pista Monti t’Ampëz, che ie y ne vën bele n pez nia nuzeda, vën trata ju y fata su da nuef.
Sun l mplant nuef dëssl unì a se l dé la garejedes de bob, parabob, luesa y skeleton.

Mo dan l’instà dëssl unì sëurandat i lëures y al plu tert de messel dëssa i lëures de costruzion mëter man.

Cun chësta dezijion destuda Luigi Valerio Sant’Andrea, l respunsabl dla nfrastrutures per i juesc olimpics, nce la descuscion ntëur la pista Monti.

Lies ambienteles critichea che la nfrastrutura nueva fossa massa cëra y n vare nia sustenibl, metan sun mëisa la pruposta de spusté la garejedes de bob y luesa sun l purtoi a Igls dlongia Dispruch. 

					

Al podess ince te interessé…


					
						

De autri video Sport