Trail
30 Jené 2023 Ajorné da les 18:36
Media

​Rai Ladinia sará tosc da odëi te HD: fasa de proa söl canal 102

Dai 31 de jená inant trasmeterá la RAI i programs de Rai Tre en HD. L’invit é da fá da sëgn inant n test sön le canal 102 dl digital terester.
de Alexia Grossi

Tl percurs por passé al sistem DVB-T2 ativëia la RAI dai 31 de jená inant na funzionalité de trasmisciun nöia por mioré le sorvisc che consënt da ciafé sön le numer trëi dl telecomane sides Rai Tre co ince le canal 807 de Rai Südtirol tla definiziun alta HD. Por dé la poscibilité ai utënc da controlé la compatibilité de sü aparac cun la funzionlaité nöia él da inier, mertesc ai 24 de jená inant inant atif cina ai 30 de jená n canal de test al numer 102 dl telecomane.

Fasa de proa cina ai 30 de jená

Chi che se sintonisëia sön chësc canal messass odëi döes tofles: na tofla blancia y öna de corú cun dui tons audio desfarënc che se müda vigni 20 secunc. Sce an alda i tons y vëiga les döes tofles spo é l’aparat bun da odëi te HD dai 31 de jená inant sides le canal nazional Rai Tre co ince le canal regional 808 de Rai Ladinia.
Te n valgügn caji él nezesciar da fá naota na chirida nöia di canai, automatica o manuala, por odëi spo les tofles y aldí i tons söl canal de proa 102.
Vigni malfunzionamënt podará gní segnalé cun na email ala misciun helpdtt@rai.it lascian ince alsavëi de ci model de televijiun che al se trata.  

					

Al podess ince te interessé…


					
						

De autri video Media