Trail
30 Jené 2023 Ajorné da les 18:36
Cronaca

Ciamó n de por evité la stlüta dl hotel Miramonti t'Ampëz

​I proprietars dl Hotel Miramonti de Cortina d’Ampëz ará ciamó un n de de tëmp por dé jö la documentaziun di laurs fac por se mët en regola cun les normes cuntra le medefüch, sceno messará na pert o döt le hotel stlüje.
de rc

Chësc é sté le resultat de n’incuntada stada inier danter le prefet de Belun Mariano Savastano, l’ombolt de Cortina Gianluca Lorenzi, adöm a tecnics, rapresentanc di stödafüs y ai proprietars dl hotel. Aladô de n’ordinanza dl Comun mëss i proprietars fá laurs por garantí le respet dles normes, do che i stödafüch á ciafé pro n'ispeziun loces tl sistem de proteziun cuntra le medefüch.

Canche i proprietars ará dé jö les zertificaziuns di laurs fac gnarál spo tut na dezijiun danter mercui y jöbia sce le hotel pó romagne davert, sce al mëss stlüje daldöt o ma en pert.  Le hotel Miramonti é n hotel storich t‘Ampëz, al é gnü fat sö tl 1902. Al pita lerch pur 200 porsones y dá insciö alberch a tröc ghesć dantadöt ince te chësta perioda dles gares de copa dl monn dles ëres le fin dl'edema passé y chëres di ëi söl program le proscim fin dl'edema. 
 

					

Al podess ince te interessé…


					
						

De autri video Cronaca