Trail
30 Jené 2023 Ajorné da les 18:36
Stories y Mestiers

​Sellaronda stlüta: La proa de socurs por salvé porsones de nöt

I stödafüch de Sëlva á porvé adöm ala sozieté di implanc portamunt n intervënt de emergënza ilominan la pista dal ju de Sela cina Plan de Gralba.
de Alexander Stuffer

La Sellaronda vëgn fata de por de da milesc de porsones che vá da na valada al’atra. Sce ma un n implant ess da se archité, ne röia tröpa jënt nia plü derevers te süa valada. Porchël él dantier sëra gnü fat na proa de ilominaziun danter Sëlva y le ju dl Sela.

Al é le pröm iade che i stödafüch de Sëlva fej na proa de chësta sort: al é debojëgn de ilominé la pista deache tröc schiadus mëss ciamó gní dal ju dl Sela jö, deache la Selaronda é romagnüda sarada por ores.

“Ince sce na te situaziun á püces poscibilités da gní a se le dé, orun impó la porvé fora. Ince deache sce la Sellaronda é sarada te öna na direziun, spo pó i schiadus fá la roda tl’atra direziun. Mo al podess ester che ai röia söl ju bindebo tert y ai mëss jí jö por pista canche al é bele scür, deache la strada é ince sarada”,

dij le presidënt dl Consorz di implanc portamunt Andreas Schenk.

L’intervënt de proa dess insciö ester d’ütl por capí tan debota che i socoridus é bugn da ilominé la pista de nöt danter le ju dl Sela cina Plan de Gralba. Le strom vëgn tut dai canuns dala nëi, na situaziun nöia ince por i stödafüch. Na pert dl’ilominaziun vëgn ince dales mascins che é bele sön pista. Indöt vëgnel ilominé 4.000 metri de pista.

Do che l’ilominaziun é ativa fej i stödafüch na proa. Le vizecomandant di stödafüch de Sëlva Urban Mussner é contënt cun le resultat:

“Al é poscibl da gní jö ince por schiadus nia esperc”,
dij Mussner.


Ci che an pó nia savëi é les condiziuns atmosferiches tl caje de n te intervënt. Tl caje de n intervënt sá sëgn i stödafüch plü avisa co se möie y podará daidé cun ciamó plü efiziënza.


					

Al podess ince te interessé…


					
						

De autri video Stories y Mestiers