Trail
30 Jené 2023 Ajorné da les 18:36
Politica y Istituzions

​Servisc dl refudam: l fal de puec paia duc

Puecia persones ne respetea nia la spartizion dl refudam ult: mescedà cun d’auter refudam ne possel nia unì dat ju per l recycling, muessa unì brujà y l custimënt fej auzé la tarifes per duc. – L ejëmpl te Sëlva.
de as

L prinzip dla spartizion dl refudam ie scëmpl: n chemun che ie bon de dé ju refudam ult coche scipa, papier, bostli o refudam bio giata nchinamei velch lessu y ie a chësta maniera bon de finanzié bona pert dl servisc de abiné adum y mené demez l refudam.
Ma sce chësc refudam utl ne ie nia spartì bel nët y l ie mo d’auter refudam laite, va duta la scumënciadiva ala nia. L refudam ne possa nia unì reziclà, dut l mpëni de majera per dla populazion va ala nia y nchin ala fin muessa l zitadin paië na majera tarifa per l refudam.
Nscì iela per ejëmpl nce tl chemun de Sëlva ulache n à gran problems y n ie sfurzie a fe cuntroi y a mëter su viedeocameres.

Per chiche fita via a fulestieres y à personal, à la lies de turism anjenià n placat de coche l muessa unì spartì l refudam. Chisc placac possa uni un ji a se to ti ufizies tustics de Gherdëina.
 
Tl report de Trail respuend l ambolt de Sëlva Roland Demetz y la diretëura da lia turistica de Sëlva Caroline Runggaldier.

La spartizion dl refudam

refudam bio: zënza nylon, zënza nylon biodegradabl y zënza croses de uef
scipa: zënza tasces de nylon, zënza plastica
papier: zënza carton
bostli: zënza tasces de nylon, zënza plastica
plastica dura: zënza nylon, zënza zelofan

					

Al podess ince te interessé…


					
						

De autri video Politica y Istituzions