Mancianza de doturs de familia
Apel da pert di sindacac: le laur da dotur de familia dess deventé plü atraënt y manco burocratich.
Aladô di dac dl'aziënda sanitara mancel 73 doturs de familia y 5 de chisc nun mancel tl'alta val de Puster y tla Val Badia. 44 é i doturs che mancia tl Trentin.
Aladô de n'inrescida dla Fondaziun Gimbe, á tl Südtirol le 66 porcënt di doturs de basa plü de 1.500 paziënc.
Tl Trentin röia la perzentuala püch dessot, al 59 porcënt.
Respet ala mesaria dles atres provinzies tla Talia, olache vigni dotur á presciapüch 1.350 paziënc, é i dac dles döes provinzies ladines impó miú.
La provinzia da Balsan á anunzié ch'ara á intenziuns da studié n proiet te reforma dla formaziun te medejina generala liada ai contrac: i doturs de familia ó resté inant profescionisć lëdi en convenziun cun l'aziënda sanitara, sciöche al é les normatives nazionales.
Tl dessëgn de lege sön la semplificaziun vëgnel ciaré da smendrí les listes lunges de porsones che aspeta y les burocrazies. Al vëgn ince daidé i ambulatori cun deplü profescionisć y de mius sorvisc tles farmacies.