La gran cuantité de plöia te n iade porta pro a dificoltés

La tröpa plöia de nöt á gaujé incër 100 intervënc di stödafüch te döt le Südtirol, mo dantadöt ti raiuns incër Balsan

Tla nöt danter Pasca y Lönesc de Pasca é le Südtirol rové tles ciafes de n'ona de bur'tëmp. Impresciun á danterater fat n gran podrun che á, brodoran, spaché ite le mür de na tistlaria a Auer. Destaché s'á le gran podrun da n parëi de porfir sura le raiun artejanal dl paisc. 
Por fortüna ma cun n dann material. 

 

Gran plöia incër Balsan

Da 80 a 150 litri pro meter cuadrat de plöia él gnü te deplü valades dlungia Balsan. La conseguënza: n valgünes strades sarades a gauja danterater de smöies y lëgns tomá. Gran é spo döt le lönesc sté le laur di stödafüch, che á albü gran noto da romené sö o ince da pumpé demez l'ega olache al á plövü demassa te n cört tëmp. 

 

Inant livel de prigo ghel

Por rajuns de segurëza é ince i jus dles Dolomites gnüs sará: danterater Frara y Valparola. La proteziun zivila inviëia inant ala prudënza cun n livel de prigo che romagn inant ghel.