turism

L turism tla ziteies lëura dut l ann y à na si realtà

L diretëur dl Hotel Città-Stadthotel de Bulsan Robert Wieser conta dla defrënzies dl turism tla ziteies permez a chël tla valedes.

Bele cun si architetura demostra l “Stadt - hotel – Cittá” tl zënder de Bulsan si gran tradizion. Ntan che tla valedes ruva la sajon turistica a si fin, lëuren a Bulsan dut l ann y śën scumëncia i mënsc intensives. 

“Da jené a merz iel tlo scialdi plu chiet che tla valedes,  ma ntan l instà iel truep da fe y dantaldut ie l autonn  drët sterch a Bulsan” 

Robert Wieser 

Davia che lauré te zità ie na stiera per dut l ann, iel per l hotel plu saurì abiné personal.
 

I dis de bur tëmp se mplënesc la ziteies de turisc dala valedes. Chësc dantaprima d’instà y manco d’inviern per via dla dificulteies sun streda y l frëit.
 

N cont de ocupazion di liec ne ruven te zità mo nia al 80 percënt, ma la tendënza ie che Bulsan devënta for plu na destinazion, dij Wieser tl report de Trail.
 

Deberieda cun la ndesfideda de mplenì i liec nce ti mënsc plu chiesc se tratela de abiné de plu tlienc da tlo tla bar y tl restaurant. La ulentà ie che l hotel devënte na luegia de ancunteda dla jënt dl post y de turisć, acioche l turism ne sibe nia na realtà a pert.